استقبال الانترنت لاسلكى من مسافات 4 كيلو و 5 كيلو وبينج 1 ملى سكند فقط dd wrt superchannel activation key





السلام عليكم ورحمة الله وبركاته

اعضاء المدونة الكرام

من منكم يحلم بالاتى فى الوايرليس الخاص به؟..

(1) اوصل انترنت مسافة توصل الى 4 و 5 كيلو مترا على التردد بتاعنا بجهاز البيكو او البوليت!!!!

(2) اوصل مسافة ال 5 كيلو بسعر رخيص على اكسس تى بى لينك من بتوعنا 701 و 741 و 740 و841 وكل الانواع

(3)اخلى البينج بين الاكسس والبوليت لايتعدى 1 الى 6 ملى سكند فقط لاغير

(4) تكون خدمتى فائقة الجودة حتى لو جنبى الف شبكة مشوشرين عليا ومبهدلنى؟!!

طيب تعالا نترجم الواقع اللى احنا فيه كده؟!!!

(1) تردد 2.4 اتهرى شبكات وكل شبكة جنبها شبكة فى نصهم شبكة وجنبهم شبكة وبقت خل!!!!

ازاى بقى عاوز تشتغل فى وسطهم؟..

يبقى الحل انك تهرب لتردد تانى اقوى فى الاختراق واطول فى المسافة

ايه رايك بقى انى اعطيك كل اللى انت عاوزه ده ب 50 جنيه فقط زيادة؟...

تتخيل دى 50 جنيه مصرى فقط لا غير؟..

طيب ايه الحل اللى عندك ياشادى؟..

الحل فى (سوبر تشانل دبليو ارتى)

ايه هو ده؟..

ده عبارة عن سوفتوير بينزل لكل اجهزة تى بى لينك ببلاش من غير ولا مليم

بس فيه خانة اسمها سوبر تشانل بتفتح ترددات 2.3 و 2.7 و 2.5 غير 2.4 بتاعنا

طيب ياشادى ياترى اللاب توب والموبايلات بتشوف التردد ده؟..

لا طبعا ياكبير مافيش لاب ولا موباسل يشوف التردد ده؟..

ياسلام طب يبقى انا عملت ايه بقى؟..

لا يابرنس البرانيس مايبقاش فكرك محدود واحنا وصلنا لاختراع الكوفتة بتاع اخو جمالات كفتة(اللى بالى بالك)

شغل انت بقى الكفتة...قصدى المخ ...بتاعك وفنن ومزج يامزاجنجى واخترع ياجدع

دلوقت الشغل بتاعك اخره كيلو ونص ولو وصل لحد 2 كيلو بيبقى النت زى عيان بيني....فى ميت؟... مش كده؟!!!

لا العيان (العميل) حاسس....ولا الميت (النت) مستكيف؟!!!!!

خلونا واقعيين بقى

خلى عندك حتة بيكو استيشن شغلها تردد 2.4 لكل اللى حواليك فى مسافة كيلو هايشوفوك وتمام شغل جميل


وركب بوليت + انتنا سيكتور مصرى (بالاسم) وشغل دولة كومبلينت تيست

وهات اكسس بونت تى بى لينك ارفع لها سوفت دى دبليو ارتى وفعل السوبر تشانل واتحداك لو موصلتش ل 4 كيلو!!

طيب ياسادى؟؟ انا هاستفاد ايه عرفنى؟..

ياكبير انت هاتشتفاد ان شغلك عدى ال 4 كيلو ولما تستقبل هناك ياسيدى ابقى هات حتة اكسس بوينت عادى

من ابو 170 جنيه واعمله ارسال تانى تردد 2.4 واعلن عن نفسك

طيب ياشادى سوفت الدبليو ارتى على موقعه ب 12 يورو واليورو ب 11 جنيه يعنى عامل  يطلع 130 جنيه

غير ان الفيزا هاتخصم كمان وهاتوصل لحد 140 جنيه؟..

ماهو انا جاى لك فى الكلام يابرنس

بص على الموقع



السوفت فعلا ب 12 يورو

لكن النهاردة انا جايب لكم مخ مش كفتة....مخ بجد محترم

راجل محترم اسمه علاء بيعمل تفعيل اى سوبر تشانل ب 50 جنيه مصرى فقط

ايوه ب 50 جنيه فقط

يعنى انت بتشترى الاكسس ب 180 جنيه وتنزل له السوفت ببلاش وتتصل بالراجل وتدفع 50 جنيه

يبقى الاكسس وقف ب 230 جنيه كانك اشتريت لوكو ام فايف ب 650 جنيه؟!!!

نفس الشغل والاداء

هاه مين عجبته الفكرة وعاوز يطبقها؟..

طبعا لو انت عندك تى بى لينك الفيرجنات 

شغال على فيرجن 1 و2

البرنامج ده بيعمله فرى بدون ولا مليم

التحميل

طب نشوف الفيديو مع بعض الاول؟..







ودلوقت ميعاد تحميل وتفعيل السوفتوير للجميع بكل سهولة

 
تحياتى لكم

شادى سوفت


إذا أعجبك محتوى موقع ميكروتيك العرب اتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...